உலகில் தங்கத்தை அதிகமாக பயன்படுத்துபவர்கள் இந்தியர்கள். ஆனால், தங்க உற்பத்தியில் முதல் இடத்தில் இருப்பது சீனா. வருடத்துக்கு 285ல் இருந்து 300 டன் வரை தங்கத்தை உற்பத்தி செய்கிறது. தங்கத்தை பயன் படுத்துவதிலும் சீன மக்கள் ஆர்வம் கொண்டிருக்கிறார்கள். இந்தியாவுக்கு அடுத்தபடியாக தங்கத்தை அதிகம் பயன்படுத்துவது சீனாதான். ஆஸ்தி ரேலியா ஆண்டுக்கு 215 டன் தங்கத்தை உற்பத்தி செய்து 2-வது இடத்தில் உள்ளது. வெகு காலங்களாக தங்க உற்பத்தியில் முதல் நாடாக இருந்த தென் ஆப்பிரிக்கா 2007 ஆம் ஆண்டோடு அந்த பெயரை இழந்தது.
இப்போது அது 213 டன் தங்கம் உற்பத்தி செய்து 3-வது இடத்திலும், ஆண்டுக்கு 210 டன் தங்க உற்பத்தியுடன் அமெரிக்கா 4-வது இடத்திலும், ரஷியா 185 டன் உற்பத்தி செய்து 5-வது இடத்திலும் உள்ளன. லத்தீன் அமெரிக்க நாடான பெரு, ஆண்டுக்கு 180 டன் உற்பத்தி செய்து 6-வது இடத்தை பிடித்துள்ளது.
ஆண்டுக்கு 100 டன் உற்பத்தி செய்து உலகின் மிகப்பெரிய முஸ்லீம் நாடான இந்தோ னேஷியா 7-வது இடத்தையும், தங்கத்தாது அதிகமுள்ள கனடா, ஆண்டுக்கு 95 டன் தங்கத்தை உற்பத்தி செய்து 8-வது இடத்தை வகிக்கின்றன. இதற்கும் கீழே மொத்தம் 90 நாடுகள் குறைவான தங்கத்தை உற்பத்தி செய்கின்றன. அவற்றில் இந்தியாவும் ஒன்று. இந்தியாவில் ஆண்டுக்கு 3 டன் தங்கத்தை கூட உற்பத்தி செய்ய முடிய வில்லை. ஆனால் உலகில் தங்கத்தை அதிகமாக பயன்படுத்துபவர்கள் இந்தியர்கள்தான் என்ற பெருமை மட்டும் உயர்ந்து நிற்கிறது.
இந்தியாவின் தங்க தேவை வெளி நாடுகளில் இருந்து இறக்குமதி மூலமே பூர்த்தி செய்யப்படுகிறது. இந்தியா இந்த ஆண்டு ஆயிரம் டன்னுக்கு மேல் இறக்கு மதி செய்யும் என்று புள்ளி விவரங்கள் கூறுகின்றன. அதன்படி பார்த்தால் உலக தங்க உற்பத்தி யான 2,500 டன்னில் இந்தியாவே 1,000 டன் தங்கத்தை வாங்கிக் கொள்கிறது. இப்படி இந்தியர்கள் தங்கத்தை வாங்கிக் குவிக்கும் போது விலை எப்படி குறையும் என்கிறார்கள், சந்தை ஆய்வாளர்கள்.
கருத்துகள் வரவேற்கப்படுகின்றன. அன்புடன் பாலமுருகன்.
