தேசிய விளையாட்டு ‘ஹாக்கி’ அல்ல.!

நமது நாட்டின் தேசிய விளையாட்டு ஹாக்கி என்று நாம் அனைவரும் கூறி வரும் நிலையில், நாட்டின் தேசிய விளையாட்டு என்ற அந்தஸ்து எந்த விளையாட்டுக்கும் அளிக்கப்படவில்லை என மத்திய விளையாட்டு அமைச் சகம் கூறியுள்ளது. ஆனால், இந்திய அரசு இணையதளமான www.india.gov.in ல் இந்திய தேசிய விளையாட்டு என்ற தலைப்பில் ஹாக்கி குறிப்பிடப்பட்டு ஒரு கட்டுரை வெளியாகியுள்ளது.

இந்நிலையில், லக்னோவைச் சேர்ந்த ஐஸ்வர்யா பிரஷார் என்ற 10 வயது சிறுமி சார்பில் தகவல் பெறும் உரிமைச் சட்டத்தின் கீழ் பிரதமர் அலுவல கத்தில் ஒரு மனுத்தாக்கல் செய்யப்பட்டது. அதில் இந்தியாவின் தேசிய கீதம், விளையாட்டு, விலங்கு, மைதானம், மலர், தேசிய சின்னம் ஆகியவை குறித்து அறிவிப்புகளின் அதிகாரப்பூர்வ நகல்களை அளிக்க வேண்டும் என கோரியிருந்தார். இந்த மனு பிரதமர் அலுவலகத்தில் இருந்து உள்துறை அமைச்சகத்துக்கு அனுப்பப்பட்டது. உள்துறை அமைச்சகம் தேசிய விளை யாட்டு தொடர்பான விசாரணை என்பதால் விளையாட்டு அமைச்சகத்துக்கு அனுப்பி வைத்தது.

இதுதொடர்பாக, ஐஸ்வர்யாவுக்கு பதில் தெரிவித்து விளையாட்டு அமைச்சக செயலாளர் சிவபிரதாப் சிங் கடிதம் எழுதியுள்ளார். அதில், ‘இந்தியாவின் தேசிய விளையாட்டு என்று எதையும் விளையாட்டு அமைச்சகம் அதிகாரப் பூர்வமாக அறிவிக்கவில்லை’ என்று தெரிவித்துள்ளார். இந்திய அரசு இணையதளத்தில் தேசிய விளையாட்டு ஹாக்கி என்று இடம் பெற்று உள்ள நிலையில், நமது நாட்டுக்கு தேசிய விளையாட்டு என்று எதுவும் கிடையாது என்று விளையாட்டு அமைச்சகம் கூறியுள்ளது சர்ச்சயை ஏற்படுத்தியுள்ளது.

கருத்துக்கள் வரவேற்கப்படுகின்றன. அன்புடன் பாலமுருகன்.

இதுதான் ‘பஞ்ச தந்திரம்’.!

பஞ்ச தந்திரங்களில் எதுவுமே நல்ல விஷயங்கள் அல்ல. நட்பைக்கெடுத்து பகை உண்டாக்குதல் - மித்திர பேதம். தங்களுக்கு சமமானவர்களுடன் மட்டும் நட்புகொண்டுவிடுவது - சுகிர்ல லாபம். பகைவரோடு உறவு வைத்து அழிப்பது - சந்திர விக்ரகம். தன் கையில் கிடைத்த பொருளையோ மற்றவர்களையோ அழித்துவிடுவது - அர்த்த நாசம். தீர விசாரிக்காமல் ஆலோசிக்காமல் காரியம் செய்வது - அஸம்பிரேட்சிய காரித்துவம். இவை தான் பஞ்ச தந்திரம்.

சுதர்சன நாட்டு மன்னனுக்குப் பிறந்த மூன்று பிள்ளைகளும் தவறாக வளர்ந்ததாகவும், அவர்களைத் திருத்துவதற்காக விஷ்ணு சர்மா என்ற ஞானி சொன்ன கதைகள்தான் பஞ்ச தந்திரக் கதைகளாக சொல்லப் பட்டன. வேடிக்கைக் கதைகள் எப்படி வாழக்கூடாது என்பதே பஞ்ச தந்திரம் சொல்லும் நீதி.

கருத்துக்கள் வரவேற்கப்படுகின்றன. அன்புடன் பாலமுருகன்.

தங்க மகன் பெல்ப்ஸ்.!

அமெரிக்க நீச்சல் வீரர் பெல்ப்ஸ் ஒலிம்பிக்கில் 19 பதக்கம் வென்று புதிய சாதனை படைத்துள்ளார். லண்டன் ஒலிம்பிக்கில் 31-07-2012 அன்று நடந்த 4*200 மீட்டர் நீச்சல் போட்டியில் அமெரிக்க குழுவினர் ரியான், கார்னர், ரிக்கி, பெல்ப்ஸ் ஆகியோர் முதலிடம் பிடித்து தங்கம் வென்றனர். அதோடு 200 மீட்டர் பட்டர்பிளை நீச்சல் போட்டியிலும் பெல்ப்சுக்கு வெள்ளி பதக்கம் கிடைத்தது.

இதோடு சேர்த்து ஒலிம்பிக்கில் 19 பதக்கங்களை பெற்றுள்ளார். இதில் 15 பதக்கங்கள் தங்கமாகும். முன்னதாக சோவியத் ரஷ்யா ஜிம்னாஸ்டிக் வீரர் லாரிசா 18 பதக்கங்கள் பெற்றதே சாதனையாக இருந்தது. அவர் 1956 - 1964 வரை இந்த பதக்கங்களை பெற்றிருந்தார். அந்த சாதனைகளை பெல்ப்ஸ் தற்போது முறியடித்துள்ளார்.

கருத்துக்கள் வரவேற்கப்படுகின்றன. அன்புடன் பாலமுருகன்.

சகோதர பாசத்தின் வெளிப்பாடு ‘ரக்க்ஷாபந்தன்’.!

சகோதர, சகோதரி பாசத்தை வெளிப்படுத்தும் ‘ரக்க்ஷாபந்தன்’ விழா இன்று (ஆகஸ்ட்-1) கோலாகலமாக கொண்டாடப்படுகிறது. சகோதரர்களாக பாவிக்கும் ஆண்களின் கையில் ராக்கி கயிற்றை கட்டி ஆசி பெறுவது இவ்விழாவின் சிற்பம்சம். பாசமுள்ள தங்கைக்கு பரிசுகளை அளிப்பதும், அன்பு செலுத்தும் அண்ணனுக்கு ராக்கி கயிறு கட்டி, இனிப்பு வழங்கி ஆசி பெறுவதால் பாசத்தின் எல்லை அதிகரிக்கும் என்பது நம்பிக்கை. புராண கதைகளிலும் அண்ணன் - தங்கை பாசத்துக்கு எடுத்துக்காட்டாக மகாபாரத கதை விளங்குகிறது.

ஒரு சமயம் கிருஷ்ணனின் விரலில் காயம் காரணமாக ரத்தம் சொட்டியது. இதைப் பார்த்து திரவுபதி அதிர்ச்சியடைந்தார். உடனே பதறியடித்தப்படி, தான் அணிந்திருந்த புடவையை கிழித்து கிருஷ்ணனின் காயத்துக்கு கட்டுப்போட்டார். திரவுபதியின் பாசத்தில் நெகிழ்ந்த கிருஷ்ணன், ‘எதிர்காலத்தில் என்னுடைய உதவி உனக்கு எப்போது தேவைப்பாட்டாலும் ஓடோடி வருவேன்’ என்று வாக்குறுதி கொடுத்தார். அதன்படியே, துச்சாதனன் திரவுபதியின் துகிலுரித்தபோது கிருஷ்ணன் காப்பாற்றினார். திரவுபதி, கிருஷ்ணனின் காயத்துக்கு புடவையால் கட்டுபோட்ட நிகழ்வே இன்று ராக்கி கயிறாக கையில் கட்டப்படுகிறது என்றும் கூறப்படுகிறது.

ஒரு சமயம் மகாபலி சக்கரவர்த்தி ‘தன்னுடைய பிரதேசங்களை மகா பிரபுவாகிய தாங்கள் பாதுகாக்க வேண்டும்’ என்று விஷ்ணுவிடம் கோரிக்கை வைத்தார். அதை ஏற்ற விஷ்ணுவும், வைகுண்டத்தில் இருந்து கிளம்பி மகாபலி சக்கரவர்த்தியின் தேசங்களை காக்க சென்றார். விஷ்ணு இருக்கும் இடத்தில் தானும் இருக்க வேண்டும் என்று விரும்பிய மகாலட்சுமியும் வைகுண்டத்தை விட்டு வெளியேறி அந்தணர் பெண்ணாக மகாபலி சக்கரவர்த்தியிடம் அடைக்கலம் புகுந்தார்.

சிரவண பவுர்ணமி தினத்தில் மகாபலி சக்கரவர்த்தியின் கையில் லட்சுமிதேவி ராக்கி கயிறு கட்டினார். அண்ணன், தங்கை பாசத்துக்கு உதாரணமாக அன்று முதல் 'ரக்க்ஷாபந்தன்' கொண்டாடப்படுவதாகவும் வரலாற்று சுவடுகளில் கூறப்படுகிறது.

கருத்துக்கள் வரவேற்கப்படுகின்றன. அன்புடன் பாலமுருகன்.

பசு மாடு பற்றித் தெரியுமா?

 பசு மாட்டின் ஆண் இனம் காளை என்றும் அதன் குட்டி கன்று என்றும் அழைக்கப்படுகிறது.

 பசு மாட்டால் மாடிப்படியை ஏறமுடியும். ஆனால் இறங்க முடியாது. ஏனென்றால் அதன் முழங்கால் சரியாக வளைந்து கொடுக்காது.

 பசு மாடு முதன் முறை குட்டி ஈன்ற பிறகுதான் பால் கொடுக்கும்.

 பசு மாடு தனது வாழ்நாளில் கிட்டத்தட்ட 2 - 4 லட்சம் லிட்டர் வரை பால் கொடுக்க வல்லது.

 ஒரு நாளில் 10 - 15 முறை கீழே உட்கார்ந்து எழுந்திருக்கும்.

 சாதாரணமாக 500 கிலோ எடை உள்ள பசு மாடு ஆண்டுக்கு சுமார் 10 டன் சாணியை கொடுக்கும்.

 ஒரு நாளில் 6 - 7 மணி நேரம் இரை உண்ணவும் 7 - 8 மணி நேரம் அதனை அசை போடவும் பசுவுக்குத் தேவை.

 அசை போடும் போது நிமிடத்திற்கு சுமார் 40 - 50 முறை தாடையை அசைக்க வேண்டி வருகிறது. இப்படி ஒரு நாளைக்கு 40 ஆயிரத்திலிருந்து 50 ஆயிரம் முறை தாடையை அசைக்கிறது.

 ஒரு பசு மாடு நாள் ஒன்றுக்கு 10 - 12 லிட்டர் சிறு நீரும் 15 - 20 கிலோ சாணியும் வெளியேற்றுகிறது. இன்னும் பெரிய மாடாக இருந்தால் இது அதிகமாகும்.

 பசு மாடு ஒரு நாளில் சுமார் 100 லிட்டர் வரை தண்ணீர் குடிக்கவல்லது.

 மாடு பற்களால் புல்லைக் கடிப்பதில்லை. நாக்கு மற்றும் ஈற்றால் பிடுங்கிச் சாப்பிடுகின்றது.

 பசு மாட்டுக்கு ஒரு வயிறுதான் உண்டு. ஆனால் அதில் உணவை ஜீரணிப்பதற்காக 4 பகுதிகள் உள்ளன.

 மாட்டின் கண்கள் முகத்தின் இருபுறமும் அமைந்துள்ளதால் கிட்டத்தட்ட 4 பக்கமும் (360 டிகிரி முழு வட்டம்) ஒரே சமயத்தில் பார்க்கவல்லது.

 பசு மாட்டின் நுகருணர்வு மிகவும் கூர்மையானது. சுமார் 6 - 8 கி.மீ. தூரத்திலுள்ள பசுமையை நுகர்ந்து கண்டு கொள்ளும்.

 கறக்கும் பசு மாடு நாளுக்கு சுமார் 40 - 50 லிட்டர் உமிழ் நீரை சுரந்து ஜீரணத்துக்கு பயன்படுகிறது..

 பசு மாட்டின் உடல் வெப்ப நிலை 101.5 டிகிரி ஃபாரன்ஹீட்.

 உலகத்தில் உற்பத்தியாகும் மொத்த பாலில் 90 சதவீதம் பசும்பால்.

 உலகத்திலேயே அதிகமாக பால் சுரந்த பெருமை ஹோல்ஸ்டைன் இனத்தைச் சேர்ந்த மாட்டைச் சேரும். அது ஒரு ஆண்டில் சுமார் 26,897 கிலோ லிட்டர் பாலைச் சுரந்தது.

 ஒரே நாளில் 97 கிலோ பாலைச் சுரந்து உலகச் சாதனை செய்த மாட்டின் பெயர் உர்பே ஆகும்.

 இதுவரை அதிக நாட்கள் வாழ்ந்த மாட்டின் வயது 48 ஆண்டுகள், 9 மாதங்கள் ஆகும்.

கருத்துக்கள் வரவேற்கப்படுகின்றன. அன்புடன் பாலமுருகன்.